විශ්මිත සතුන්

අපි අපේ පාසල් කාලයේ සිට කාර්‍යය බහුල විය. රැකියාව සහ ආර්ථික රටාව, පව්ල් සම්බන්ධතා, ගමන් බිමන්, විනෝදාංශ සහ අළුතින් නම් සමාජ මාධ්‍යය නිසා අපි යම් යම් සීමාවන් තුල සිරවෙලා. අපිට සොභා දහම දෙස බලන්න, ඒ ගැන සිතන්න පවා වෙලාවක් නැති තරම්. 

අපිට පිටින් ඉන්න සත්ව ලෝකය දෙස අපි මොන තරම් සුළු සැලකිල්ලකින්ද බලන්නෙ. ඔවුන් විවිධත්වයෙන් ඉතා විශාලය. මිනිසුන් එක් සත්ව විශේෂයකි. පෘථිවියේ සත්ව විශේෂ මිලියන 8.7ක් පමණ සිටින බව විද්‍යාඥයින් ගණන් බලා ඇතත්, ඉන් මිලියන 7.5කට වඩා සොයා නොගෙන පවතින බව ඇතැම් පර්යේෂකයින් පවසයි. විශේෂ මිලියන 1.2කට වඩා විධිමත් ලෙස විස්තර කර ඇතත්, සත්‍ය සංඛ්‍යාව ඊට වඩා බෙහෙවින් වැඩි බව විශ්වාස කෙරේ, සමුද්‍ර ජීවීන්ගෙන් සැලකිය යුතු කොටසක් තවමත් ගවේෂණය කර නොමැත. ඒ ඒ සත්ව විශේෂ වලට බොහෝ විට අනන්‍යය වූ සුවිශේෂී ලක්ෂණද පෙන්වයි. මේවා අදහා ගත නොහැකි තරම් විශ්මය ජනකයි. එහි අපට ප්‍රධාන සත්ව කාණ්ඩ කිහිපයක් හමුවේ. ඒවා නම්,

✨ අපෘෂ්ඨවංශීන්:- (කොඳු ඇට පෙළක් නොමැති සතුන් - කෘමීන්, මකුළුවන්, ගොළුබෙල්ලන්, බූවල්ලන් සහ ජෙලිෆිශ් වැනි විවිධ කණ්ඩායම්)

පෘෂ්ඨවංශීන් :- (කොඳු ඇට පෙළක් ඇති සතුන්) ✨ මාළු, ✨ උභයජීවීන්, ✨ උරගයින්, ✨ පක්ෂීන්, ✨ ක්ෂීරපායින්

මීට අමතරව අපගේ පියවි ඇසින් බැලිය නොහැකි තරම් කුඩා ජීවීන්ද ඇත.

මේ පිළිබඳව සෝදිසි කිරීම මගින් මේවායේ නිර්මාතෘ ගේ ශ්‍රේෂ්ඨත්වය මනාව පිළිබිබු වෙයි. 

දෙවියන් සතුන් ගැන කුරනය තුලින් යම් යම් තොරතුරු අප වෙත දන්වා ඇත. ඒවායින් කිහිපයක් පහතින් දැක්වේ.

භූමියෙහි බඩගා ඇවිදිය හැකි දැයද, තමන්ගේ තටු මගින් (අහසෙහි) පියාඹිය හැකි දැයද, ඔබ මෙන් (ජීවය ඇති) ඔබ වැනි උත්පාදනයන්ම මිස වෙන කිසිවක් නැත. මේවායින් කිසිවක් අපගේ පුස්ථකයෙහි සඳහන් නොකර මා අතහැර දැමුවේ නැත. පසුව (දිනකදී) මේවාද තම දෙවියන් වෙත ගෙන එනු ලැබේ. (6:38)

(එළු, ගව, ඔටුවන් වැනි) සතුන්ගෙන්ද ඔබට පාඩමක් ඇත. ලේ වලටද, ගොම වලටද අතරේ උන්ගේ කුසෙන් කළවම් නොවුන කිරි (උත්පාදනය කර) අපි ඔබට පොවන්නෙමු. එය පානය කිරීමට ඉතා රසවත්ය. (16:66)

අශ්වයින්, හා බූරුවන් ආදී සතුන් මත නැග ගමන් යාම සඳහාද, (ඔබට) අලංකාරවත් වශයෙන්ද (ඔහු) ඒවා උත්පාදනය කර ඇත්තේය. තවද, ඔබ නොදන්නා දැයද උත්පාදනය කර ඇත්තේය. (6:8)

අහස් ගැබෙහි (දෙවියන්ගේ නියෝගයන්ට) අනුව යටත් වී පියාඹන පක්ශීන්ව ඔවුන් දුටුවේ නැද්ද? ඒවා (අහස් හී) උසුළාගෙන සිටින්නා අල්ලාහ් හැර වෙන කිසිවෙකුත් නැත. විශ්වාසය තැබූ ජනතාවට මෙහිද විවිධ සාධකයන් ඇත්තේය. (16:79)

ඔබටද, ඔබ ආහාර දී (හදා වඩා) නොගන්නා වූ (අහස් හීද, භූමියෙහිද වාසය කරන) ජීවීන් සියල්ලටද ජීවත් වීමට අවශ්‍යය වස්තූන්ද අපිම එහි සැලසුම් කළෙමු. (15:20)

'ඔබගේ හිමි මි මැස්සන්ට වැටහීම දෙන්නේය. කදු, ගස් හා උස වූ ගොඩනැගිලිවල නුඹලා මි වද බඳිණු, තවද නුඹලා සෑම පලතුරු (වර්ගවල ඇති මල්) වලින් රොන් උරා බි ඔබ හිමිගේ පහසු මාර්ගයෙහි (නුඹලා ගේ නිවෙස් තුලට) ඇතුළු වනු. මෙයින් උගේ උදරයන්හි වර්ණ කිහිපයකින් යුත් පැණියක් (මි පැණි) වැහෙන්නේය. එයින් මිනිසුන්ට සුවය ඇත. අත්තෙන්න්ම මෙහිද සිතා වටහා ගන්න ජනතාවට සාක්ෂියක් ඇත'.(අල් කුර්ආන් 16:68/69).

සතුන් ගැන දෙවියන් වහන්සේ අපට පවසා ඇති දේ [සතුන් සම්බන්දව බොහෝමයක් කුරාන් ආයත් මෙහි අන්තර්ගතය]