මිත්‍යා දෘෂ්ඨිය හඳුනා ගනිමු

මිත්‍යා දෘෂ්ඨිය යනු යථාර්ථය සම්බන්ධව වැරදි දැක්ම, වැරදි කල්පනාව සහ වැරදි අදහස් ඇතිකර ගැනීමයි.

යථාර්ථය නම් එකම විශ්වීය සත්‍යයයි. ඒ පිළිබඳ අවබෝධයක් නොමැතිකම නිසා, විවිධ ආගම්වල අය තමන්ගේම විශ්වාසයන් මත පදනම්ව තම අදහස් ඉදිරිපත් කරති. එනිසා මිත්‍යාවත් සාපේක්ෂ දෙයක් වී ඇත. එය ඛේදජනක තත්වයකි. එකම ස්වභාවයක් ඇති මිනිසුන්ට විවිධ ආගම් සහ විවිධ විශ්වාසයන් ඇති වී තිබෙන්නේ එනිසයි.

ලිපියෙහි අනුමාතෘකා

1) හේතු-ඵල දහම නිවැරදිව වටහා ගැනීම. 

2) කර්ම-ඵල යාන්ත්‍රණය නිවැරදිව වටහා ගැනීම. 

3). නබිවරුන්ව සහ ඔවුන් ගෙනා දිව්‍ය පණිවිඩ. 

4). මිත්‍යා දෘෂ්ඨිය සම්බන්ධව දෙවියන් පවසන දේ.

✨මෙය විවේචනයට නොව, බුද්ධිමත් විමසීමටය🙏

මහායාන බෞද්ධයන්ට අනුව ථේරවාදී බෞද්ධයන් සිටින්නේ මිත්‍යා දෘෂ්ඨියේ ලෙසත්, කිතුනුවන්ට අනුව මුස්ලිම්වරුන්ද, මුස්ලිම්වරුන්ට අනුව බෞද්ධයන්ද මිත්‍යා දෘෂ්ඨි මත සිටී. තව ආගම් හෝ විශ්වාස කිහිපයක් සැලකුවත් ඔවුන් අතරත් තත්වය එයමය. 

කුමක්ද මේ පටලැවිල්ල? 

මෙසේ සිදුවන්නෙ හේතු-ඵල දහම සහ කර්ම-ඵල යාන්ත්‍රණය පිළිබඳව පැහැදිලි අවභෝදයක් නොමැතිකමයි.

මෙම පටලැවිල්ල ලෙහා දැමීමට මේ සම්බන්ධව ප්‍රධාන ආගම් වල ඇති උගැන්වීම් කිහිපයක් මෙහි ඉදිරිපත් කරමි.

බුදුන් වහන්සේගේ සමයේ මිත්‍යා දෘෂ්ඨි අදහස් 62ක් ගැන කරුණු ඉදිරිපත් කර ඇත. ඉන් ප්‍රධාන 10ක් පහත පරිදි වේ.

1. දූන්දේ විපාක නැත. 2. මහා දානවල විපාක නැත. 3. සකසා පිලිගන්වන දානයේ විපාක නැත. 4. කුසලාකුසල කර්මයන්ගේ විපාක නැත. 5. මෙළොවක් නැත. 6. පරළොවක් නැත. 7. හිත දියුණු කළ, ලෝකය අවබෝධ කළ ශ්‍රමණ බ්‍රාහ්මණ වරු නැත. 8. මවක් නැත. 9. පියෙක් නැත. 10. ඕපපාතිකව උපදින සත්වයෝ නැත.

සටහනක්: ඉහත අංක 8 සහ 9 මවක් නැත, පියෙක් නැත ලෙස සිතීම මිත්‍යා දෘෂ්ඨික තත්වයන්ය. (එනම්, ඉපදීමට මවෙක් පියෙක් [හෝ වෙනත් කුමන හෝ හේතුවක්] නැත යැයි විශ්වාස කිරීම මිත්‍යා දෘෂ්ඨික අදහසකි). 

10. ඕපපාතිකව උපදින සත්වයෝ නැත ලෙස සිතීම මිත්‍යා දෘෂ්ඨික අදහසකි. (එනම්, [මවෙක් පියෙක් හෝ වෙනත් කුමන හෝ] හේතුවක් නැතිවත් ජීවීන් උපදී යැයි විශ්වාස නොකිරීමත් මිත්‍යා දෘෂ්ඨික තත්වයකි)

මෙහි (8, 9) සහ 10 එකිනෙකට විරුද්ධ [පරස්පර, නොගැලපෙන] අදහස් දෙකකි.

දේවධර්මයට අනුව දෙවියන් ඔහු කැමති ආකාරයට තම නිර්මාණ කරයි. දෙවියන්වහන්සේ ආකාර 4 කින් මිනිසුන්ගේ ශරීර නිර්මාණය කර ඇති බව අවසන් දිව්‍ය වදන් සහිත අල් කුරාණය තුලින් අපට දකින්නට පුළුවන. 

1. කිසිම පුරුෂයෙකුගේ හෝ කිසිම ස්ත්‍රියකගේ සම්බන්ධයක් නොමැතිව. උදා:- ආදම් (අ.ස) 
2. පුරුෂයෙකු පමණක් සම්බන්ධ කරගෙන. උදා:- හව්වා (අ.ස)/ ආදම්ගේ බිරිඳ
3. කාන්තාවක් පමණක් සම්බන්ධ කරගෙන. උදා:- යේසුස් වහන්සේ (ඊසා අ.ස)
4. පුරුෂයෙකු සහ ස්ත්‍රියකු යන දෙදෙනෙකු සම්බන්ධ කරගෙන. උදා:- ඔබ, මම වැනි අය.

එයට අනුව එහි මවෙක් නැත, පියෙක් නැත යන තත්ව පවා දැකිය හැක. එහෙත් කිසිවක් නැතිව ඕපපාතිකව බිහි වෙන බව එහි සඳහන් නොවේ. ඒවායේ බිහිවීමට හේතුව දෙවියන්ගේ බලයයි. ඕපපාතිකව ජීවීන් බිහිවීමට බලපාන පසුබිම කුමක්ද? හේතු-ඵල දහමට අනුව එවැන්නක් විය නොහැක.

කිතුනුවන්ට අනුව දෙවියන් වහන්සේ සම්බන්ධ "ත්‍රිත්වය" එනම්, යේසුස් වහන්සේ දෙවියන්මය (පියාය), ඔහු දෙවියන්ගේ පුත්‍රයාය, සහ දිව්‍ය ආත්මයය යන්න පිළි නොගෙන සිටීම ස්වර්ගය අහිමිකර ගැනීමට හේතු වේ. මෙය පැහැදිළි කළ නොහැකි ව්‍යාකූල තත්වයකි. [කුරානය තුලින් දෙවියන්ම මෙම කියමන ප්‍රතික්ෂේප කර ඇත].

මුස්ලිම්වරුන්ට අනුව සියල්ලෙහි නිර්මාතෘ එකම දෙවියෙකි. ඔහුට සහායකයන්, දරුවන්, මව්පියන්, අවශ්‍යතාවයන්, දුර්වලතාවයන්, සමානකරුවන් ආදී කිසිවක් නැත. සියල්ල පැමිනියේ ඔහු වෙතින් වන අතර සියල්ල නැවත ඔහු වෙතම යා යුතුය. ඉන් පසු ඔහුගේ අවසන් විනිශ්චයට පසු මිනිසුන් ස්වර්ගය හෝ අපාය වෙත යොමු කරනු ඇත.

හින්දුවරුන්ට අනුව දෙවියන්ට තව තවත් සහායක දෙවිවරුන් හෝ දිව්‍ය අවතාර බොහෝමයක් ඇත. 

ආගම් අදහන්නේ නැති අයට මෙලොව-පරලොව, කුසල්-අකුසල්, ස්වර්ගය-අපාය ආදිය ගැන පැහැදිළි අදහස් නැත.

මෙයට අනුව මිනිසුන් පිටතින් එකම සත්ව විශේෂයක් ලෙස පෙනුනත් ඇතුලතින් ඔවුනොවුන් අතර නොගැලපීම් බහුලය. 

මෙය කාගේ වරද නිසා සිදු වූවක්ද?

හේතු-ඵල දහම සහ කර්ම-ඵල යාන්ත්‍රණය මගින් හැර මෙම පරස්පරතාවයට විසදුමක් සොයා ගත නොහැක.

කුසල් අකුසල් ඇත, විපාක ඇත, අපායක් ඇත, ස්වර්ගය ඇත, මෙලොව ඇත, පරලොව ඇත, විශ්වය ඇත, සොබාදහම ඇත, මට සිතීමට හැකියාවක් ඇත, මට ආත්මයක් ඇත, මට ශරීරයක් ඇත, මවක් ඇත, පියෙක් ඇත, නොපෙනෙන ජීවීන් ඇත, නොපෙනෙන ලෝක ඇත, බුදුන් වහන්සේ සිටි බවට ජේසු තුමා සිටි බවට විශ්වාසයන් ඇත. මේ ආකාරයට අප මිනිසුන් වශයෙන් මේ සියල්ල විශ්වාස කරන්නන් නම්, මේවා හේතු-ඵල දහම සහ කර්ම-ඵල යාන්ත්‍රණය සමග ගලපා මිත්‍යා දෘෂ්ඨිය පිළිබඳව එකඟතාවයකට පත් වන්න උත්සහ ගනිමු.

4). මිත්‍යා දෘෂ්ඨිය සම්බන්ධව දෙවියන් පවසන දේ සහ උපදෙස්

දෙවියන්වහන්සේ මිනිසාගෙන් මෙසේ අසයි

✨අහස් හිද භූමියෙහිද, ඔවුන්ට ඉදිරියෙන්ද පසුපසින්ද, ඇති දැය ඔවුන් අවධානය කර බැලුවේ නැද්ද?; (34:9) ඒවා කිසිවක් නොමැතිව තමන් විසින්ම ඇති කළෙහුද? නැතහොත් මොවුන්, තමන්ට තමන්ම නිර්මාණය කර ගත්තෙහුද? නැතහොත් අහස්ද භූමියද ඔවුන් නිර්මාණය කළෙහුද?; (52:35,36)

පසුව දෙවියන්ම එයට දෙන පිළිතුර;

✨නැත. මේ සියල්ල නිර්මාණය කළ අය දෙවියන්ය; (52:35,36)

✨(කිවෙකුගේ උදව්වක් නොමැතිව) අපගේ ශක්තිය මගින් අහස (විශ්වය) නිර්මාණය කළෙමු. නියත වශයෙන්ම අපි (එය ඔවුන්ගේ බුද්ධියට හසු නොවන සේ) අති විශාලවත් අන්දමට තබා ඇත්තෙමු. (ඇත්ත වශයෙන්ම, අපි එය පුළුල් කරන්නෙමු." (51:47)

ආත්මය ගැන දෙවියන් පවසන දේ; 

✨(නබියේ!) "රූහ් (ආත්මය)" ගැන (යුදෙව්වන් වන) ඔවුන් ඔබගෙන් විමසන්නාහ. එයට ඔබ "එය අපගේ දෙවියන්ගේ නියෝගයෙන් ඇති වන්නකි. (ඒ ගැන) ඉතාමත් අල්ප ඥානයක් මිස, ඔබට දෙනු ලැබුවේ නැත. (එබැවින් එහි ගැඹුරු අදහස ඔබට දැන ගැනීමට නොහැකිය)" යැයි පවසනු මැනව! (17:85) [එයට අනුව ආත්මය ගැන මිනිසාට සියළු තොරතුරු දැනගැනීමට හැකියාවක් ද නැත].

දැනුම රහිතව මිනිසුන් දෙවියන් ගැන තර්ක කරන බව

✨(මිනිසුණේ!) "අහස්හිද, භූමියෙහිද, ඇති දැය නියත වශයෙන්ම දෙවියන් ඔබට වසඟ කර දී ඇත්තේය" යන්නද, ඔහු තම වරප්‍රසාදයන් ගුප්තවද, ප්‍රසිද්ධියේද, ඔබ කෙරෙහි පහළ කර ඇත්තේය යන්නද, ඔබ දුටුවේ නැද්ද? මේ සියල්ල මෙසේ තිබියදී මිනිසුන්ගෙන් සමහරෙක් අධ්‍යාපන දැනුම හෝ තර්කානුකූල සෘජු මාර්ගය හෝ ආලෝකමත් ධර්ම ග්‍රන්ථයෙහි (කුරාන්හී) සාධකයන් හෝ නොමැතිව අල්ලාහ් (දෙවියන්) ගැන (නිකරුණේ) තර්ක කරන්නාහ. (31:20)

දැනුම සම්බන්ධව මිනිසුන් කුමක් කළ යුතුද යන්න;

✨විශ්වාසවන්තයිනි! ඔබ අල්ලාහ්වද, ඔහුගේ දූතයාවද, ඔහු තමන්ගේ මෙම දූතයා වෙත පහළ කළ ධර්මයද, මෙයට පෙර තිබූ ධර්මයන්ද විශ්වාස කරනු. කවුරුන් අල්ලාහ්වද, ඔහුගේ මලායිකාවරුන්වද, ඔහුගේ ධර්මයන්ද, ඔහුගේ දූතයන්වද, අවසාන දිනයද ප්‍රතික්ශේප කරන්නේද, ඔහු නියත වශයෙන්ම ඉතාමත් ඈත් වූ දුර්මාර්ගයෙහිම ගමන් කරන්නේය (4:136)

මිනිසාට අවශ්‍ය තරමට සම්පූර්ණ ලෙස දැනුම හා උපදෙස් ලබා දී ඇති බව;

✨මිනිසුන්ට හොඳ වැටහීමක් ලබා ගැනීම පිනිසම මෙම කුරානය නියත වශයෙන්ම අපි ඉතාමත් පහසු කර ඇත්තෙමු. එබැවින් (මෙමඟින්) හොඳ වැටහීමක් ලබන්නන් කවුරුන් හෝ ඇත් ද? (54:17)

✨(පින් පව්) මාර්ගයන් දෙකම අපි ඔහුට වෙන්කර දැණුම් දුන්නෙමු (90:10) නියත වශයෙන්ම සෘජු මාර්ගය පෙන්වීම අපගේ යුතුකම වන්නේය, (නියත වශයෙන්ම මෙලොවද පරලොවද අපගේමය. (92:12.13)

✨නබියේ!) නියත වශයෙන්ම අපි මිනිසුන්ගේ යහපත සඳහාම සම්පූර්ණයෙන්ම සත්‍යයයෙන් පිරි මෙම ධර්මය ඔබ වෙත පහළ කළෙමු. එබැවින් කවුරුන් (මෙය) අනුගමනය කර කටයුතු කරන්නේද, ඔහුටම එය හොඳකි. කවුරුන් එයින් මාර්ගය වැරද යන්නේද, එය ඔහුටම නපුරක් වශයෙන් අවසන් වනු ඇත. (නබියේ!) ඔබ ඔවුන්ව (සෘජු මාර්ගයෙහි යන ලෙස මෙන් බල කර), බේරා ගන්නෙකු නොව. (39:41)

✨(නබියේ!) ඔබ මෙසේ පවසනු; "(සම්පූර්ණයෙන්ම) සත්‍යය වූ (මෙම ධර්මය) ඔබගේ දෙවියන් විසින් පහළ කරන ලදී" කැමැත්තන්ට මෙය විශ්වාස කළ හැකිය, අකැමැත්තන්ට (මෙය) ප්‍රතික්ෂේප කර දැමිය හැකිය". (නමුත් මෙම ප්‍රතික්ෂේප කරන) අපරාධකාරුවන්ට නියත වශයෙන්ම අපි නිරයම පිළියෙල කර ඇත්තෙමු; (18:29)

✨(නබියේ!) "කවුරුන් (මෙම ධර්මය) විශ්වාස කර, (මෙහි සඳහන්ව ඇති අන්දමට) දැහැමි ක්‍රියාවන් කරන්නෝද, ඔවුන්ට නියත වශයෙන්ම (ස්වර්ගයන්හී) දිය දහරා සදාකල් ගලමින් ඇති උයන් වතු ඇත" යැයි ඔබ සුභාරංචි දෙනු මැනව (2:25)

by sjw

මේ ගැන ඔබේ අදහස් අපට ලියන්න

ඉක්මන් ප්‍රවේශ -(අංශ කිහිපයක්)

අපගැන සේවා නවක මුස්ලිම්වරු අල් කුරාණය දෙවියන්වහන්සේ ගැන මොහම්මද් නබි(ﷺ) ඉස්ලාම් දහම පොත්පත් විශ්වය සොබාදහම පළමු මිනිසා (ආදම් අ.ස) මිනිසා සම්බන්ධව පරිණාමවාදය නබිවරු හදීස් ස්වර්ගය නිරය මලායිකාවරු ජින්වරු, ශේතාන් ආත්මය සහ සිත ඊමාන් තව්හීද් රමදාන් දුආ සකාත් ලබන්නන් සහාබිවරු ප්‍රධාන ආගම් ජේසුතුමා බයිබලයෙන් ක්‍රිස්තියානි යුදෙව් හින්දු බෞද්ධ ග්‍රංථ මෛත්‍රී බුදුන් පිළිම වන්දනාව ප්‍රතික්ෂේප කිරීම කුසල්-අකුසල් සත්ව ඝාතනය අදාන් සලාත් ඊද් මක්කාව මදීනා මස්ජිද් සත්‍ය ආගම ලෝක අවසානය විනිශ්චය දිනය කලා-කදර් ඉස්ලාමීය චාරිත්‍ර වෙබ් අඩවි ආගමික නිදහස වීඩියෝ ඉස්ලාමය ගැන අසන ප්‍රශ්න වෙනත් ලිපි Contact us