දෙවියන්ගේ නිර්මාණ: ජලය සම්බන්ධව ඇති කුරාන් වැකි

ජලය යනු දෙවියන්වහන්සේගේ නිර්මාණ වලින් අති විශිෂ්ඨතම නිර්මාණයකි. ජලය නොමැතිනම් ජීවයක්ද නොපවතී. දෙවියන්ගේ අවසන් දිව්‍ය හෙළිදරව්ව වන ශුද්ධ වූ අල් කුරාණය තුල බොහෝ අවස්ථාවල මෙම ජලය ගැන කතා කර ඇත. විවිධ උදාහරණ දක්වමින්, විවිධ ඉඟි ඉදිරිපත් කරමින් එහි ඇති වැදගත්කම ඉස්මතුකර පෙන්වා දී ඇත. බුද්ධිමත් ජනතාවට එම වැකි දෙස අවධාරයෙන් යුතුව බලන ලෙස දෙවිඳුන් ආරාධනා කරයි. ජලය සම්බන්ධ කරගෙන දෙවියන්වහන්සේ මිනිසාට දක්වා ඇති දයාව සහ අනුග්‍රහය ගැන මෙම ලිපිය තුලින් හොඳින්  වටහා ගත හැක.

දෙවියන් අපෙන් මෙසේ අසයි;

ඔබ බොන වතුර අවධානය කළෙහුද? වලාකුළෙන් ඔබ එය වසින්නට සලස්වන්නෙහුද? නැතහොත් අපි වසින්නට සලස්වන්නෙමුද? අපි කැමති වුවහොත් එය (ඔබට බොන්නට නොහැකි) ලුණු ජලය බවට පත් කර හැර ඇත්තෙමු. (මෙයට) ඔබ කෘතඥ විය යුතු නොවේද? (56:68-70)

ලිපියෙහි අනු මාතෘකා

1. දෙවියන්ගේ රාජධානිය (අර්ෂ්) ජලයේ පාවෙමින් තිබෙන බව
2. වලාකුළු, වර්ෂාව, භෝග වගාව සහ පානය සම්බන්ධව
3. මිනිසාව ජලයෙන් උත්පාදනය කළ බව
4. පණ ඇති සෑම දැයක්ම ජලයෙන් උත්පාදනය කළ බව
5. ජලය සම්බන්ද වෙනත් විද්‍යාත්මක තොරතුරු
6. ජලය මිනිසාට වරප්‍රසාදයක් ලෙස ලබා දෙන ආකාරය ගැන
7. මුහුද සහ නැව් සම්බන්ධව
8. ජලය උපමාවක් ලෙස ගෙන දෙවිඳුන් දී ඇති උපදෙස්
9. මූසා නබි (අ.ස) තුමාගේ කාලයේ වූ මුහුද දෙබෑ කිරීමේ ප්‍රාතිහාර්‍යය ගැන
10. නූහ් නබි (අ.ස) තුමාගේ කාලයේ වූ විශාල ජල ගැල්ම සම්බන්ධව
11. ස්වර්ගයේ ඇති ජලය සම්බන්ධව
12. නිරයෙහි ඇති උණු ජලය සම්බන්ධව
13. සලාත් (නැමදීම්) කිරීමට පෙර දෝවනයට ජලය භාවිතා කිරීම සම්බන්ධව
14. මක්කාවේ ඇති සම් සම් ළිඳ සහ එම වතුරෙහි ඇති විශේෂත්වය

වලාකුළු, වර්ෂාව, භෝග වගාව සහ පානය සම්බන්ධව

වලාකුළෙන් (අපගේ) සැලසුමට අනුව වර්ෂාව වසින්නට සලස්වන්නෙමු. එය භූමියෙහි රැඳෙන සේ සලස්වන්නෙමු. එය (භූමියෙන්) පහ කිරීමටද අපි බලසම්පන්න වෙමු. (23:18)

ඔහුම ඔබ වෙනුවෙන් භූමිය වාසස්ථානයක් බවටද, අහස වියණක් බවටද නිර්මාණය කර, වලාකුළෙන් වර්ෂාව වසින්නට සලස්වා, එමගින් ඔබට ආහාර වශයෙන් ගත හැකි පළතුරු වර්ගද ඔබට ඉකුත් කරන්නේය. එබැවින් (මේ සියල්ල) දැනගෙන අල්ලාහ්ට (කිසිම) සමානයක් ඇති නොකරනු. (2.22)

ඔහුම වළාකුලෙන් වැස්ස පහළ කර තබන්නේය. එමඟින් සියළුම වර්ගයේ පැළෑටි අපි පැළවීමට සලස්වා, එයින් සාරවත් පැළයන්ද අපි ඉකුත් කළෙමු. එයින් ඝනට වැඩුණු ධාන්‍යයෙන් (පිරි කරල්ද) අපි ඉකුත් කරන්නෙමු. ඉඳි ගසේ අතුවලින් නැමී එල්ලෙන පළතුරු වලුද ඇත්තේය. මිදි වතුද, බැලූ බැල්මට එකම ආකාරයටද එහෙත් රසයෙන් විවිධවද ඇති දෙළුම්, ඔලිව් ආදියද (අපිම ඉකුත් කළෙමු). ඒවා (මල් පිපී) ගෙඩි හට ගැනීමද, පසුව ඉදී, ඉදුනු පළතුරු බවට පෙරළෙන අන්දමද (අවධානයෙන් යුතුව බලනු මැනවි). විශ්වාසය තබන ජනතාවට නියත වශයෙන්ම මෙහි සාධකයන් බොහෝමයක් ඇත්තේය. (6:99)

(නබියේ!) ඔබ බැලුවේ නැද්ද? නියත වශයෙන්ම අල්ලාහ්ම වලාකුළෙන් වර්ෂාව වසින්නට සලස්වන්නේය. (එමගින්) භූමිය සශ්‍රීක වන්නේය. නියත වශයෙන්ම අල්ලාහ් ඉතාමත් කරුණාවන්තයෙකු හා (සියල්ල) දන්නෙකු වශයෙන් සිටින්නේය (22:63)

(තවද) අහස්ද, භූමියද උත්පාදනය කර, වලාකුළෙන් ඔබ වෙනුවෙන් වැස්ස වසින්නට සලස්වන්නා කවරෙක්ද? අපිම එමගින් (ඇස් පිනා යාම පිණිස) අලංකාරවත් වතුද වැවෙන්නට සලස්වන්නෙමු. අපගේ (උදව්වෙන් තොර) එහි තිබෙන ගස් වැවෙන්නට සැලැස්වීමට ඔබට නොහැකිය. එබැවින් අල්ලාහ් සමග නැමදුමට යුතු (වෙන කෙනෙකු) සිටින්නෙහිද? නැත. (මෙසේ තිබියදී) මොවුන් (තමන්ගේ මනඃක්කල්පිත දෙවිවරුන්ව දෙවියන්ට) සම කරන ජනතාවක් වශයෙන් සිටින්නාහ. (27:60)

වලාකුළු උසුළාගෙන යන සුළඟද අපිම යැව්වෙමු. එම වලාකුළෙන් වැස්සද අපිම වසින්නට සලස්වන්නෙමු. එය අපි ඔබට පොවන්නෙමු. (වැස්සෙහි ජලය වලාකුළෙහි) ඔබ එක්රැස් කර තැබුවේ නැත. (අපිම එක්රැස් කරමු) (15:22)

ඔහුම ඔහුගේ වරප්‍රසාදයන්ට පෙර ශුභාරංචිය වශයෙන් සිසිල් සුලඟ යවන්නේය. එය (කළුවර වී ඇති වන) ඝන වලාකුළු ඔසවාගත් පසු එය, අපි (වියළී) මැරී ගිය භූමිය දෙසට පදවාගෙන ගොස් එයින් වැස්ස වැසීමට සලස්වන්නෙමු. පසුව එමඟින් සියළු වර්ගයේ පළතුරුද ඉකුත් කරන්නෙමු.(7:57)

ඔහුම තම වරප්‍රසාදයන් පහළ කිරීමට පෙර (සිසිල්) සුළඟ ශුභාරංචියක් වශයෙන් යවන්නේය. (මිනිසුනේ!) අපිම වලාකුළෙන් පරිශුද්ධ වූ ජලය වසින්නට සලස්වන්නෙමු. (25:48).

මැරී ගිය භූමියට එමගින් අපි ජීවය ලබා දී අපගේ උත්පාදකයන්ගෙන් වූ එළු, ගව, ඔටුවන් වැනි සතුන්ටද, බොහෝ මිනිසුන්ටද එය පානය කිරීමට සලස්වන්නෙමු. (25:49)

එහි උස් කඳුද අපි නිර්මාණය කර මිහිරි ජලයද (ඒවායෙන්) ඔබට බීමට සලස්වන්නෙමු.(77:27)

ඔහු වලාකුළෙන් ඔබට වැස්ස වැසීමට සලස්වන්නේය. එහිම ඔබ පානය කළ හැකි ජලයද ඇත. එමගින්ම (ඔබගේ ගමේ සතුන්ට) උලා කෑම සඳහා තණකොළ පැලෑටි (ආදියද) පැල වෙන්නේය.(16:10) එමගින්ම ගොවිතැන් භෝගද, සෙය්තූන්, ඉඳි, මිදි ආදී සියළුම පලතුරු වර්ගද ඔහු ඔබට උත්පාදනය කරන්නේය. නියත වශයෙන්ම මෙහි සිතා දැන ගත හැකි ජනතාවට එක් සාධකයක් ඇත්තේය. (16:10,11)

(එකම අන්දමේ වර්ෂාව ලැබුනද) සාරවත් භූමිය දෙවියන්ගේ නියෝගයන්ට අනුවම තම පැළෑටි, ගස් වැල් ආදිය ඉකුත් කරන්නේය. එහෙත්, කර්කෂක භූමියෙහි ඉතා ස්වල්පයක් මිස, පැළ වැවෙන්නේ නැත. ස්තුතිය දක්වන ජනතාවට මෙසේ විවිධ අන්දමට (අපගේ) ආයාවන් විවරණය කරන්නෙමු. (7:58)

ඔහුම අහස්, කුළුණු නොමැතිවම නිර්මානය කර ඇත්තේය. එය ඔබත් බලන්නෙහුය. භූමිය ඔබව නොසැලී සිටීම පිණිස (ස්ථිර වූ) කඳු (එහි සිටුවා) තබා විවිධ වර්ගයේ ජීවීන්වද විසුරුවා හැරියේය. (මිනිසුනේ! අල්ලාහ් වන) අපිම වලාකුළෙන් වර්ෂාව වැසීමට සලස්වා එමගින්ම උසස් වූ විවිධ වර්ගයේ ගස් වැල් පැලෑටි ජෝඩු ජෝඩු වශයෙන් වැඩෙන්නට සලස්වන්නෙමු. (31:10)

(නබියේ!) නියත වශයෙන්ම අල්ලාහ්ම අහසින් වැස්ස පහළ කර තබන්නේය යන්න ඔබ අවධානය කර බැලුවේ නැද්ද? (අල්ලාහ් වන) අපිම එමගින් විවිධ (රසයන්ගෙන් හා) වර්ණයන්ගෙන් යුත් ගෙඩි, පලතුරු, ආදිය ඉකුත් කරන්නෙමු; (35:27)

භූමියෙහි විවිධ ප්‍රදේශයන් එකට එක්කාසු කළාක් මෙන් නිර්මාණය කර (එහි) මිදි වතුද, ධාන්‍යය ගොවි බිම්ද, ඉඳි ගස්ද නිර්මාණය කළේය. අතු ඇති ගස්ද, අතු නොමැති ගස්ද උත්පාදනය කරන්නේය. (මේවා සියල්ලට) එකම විදිහේ ජලය පොවනු ලැබුවා වුවද, සමහර දැයට වඩා සමහරක් දැය අපි රසයෙන් උසස් කර තැබුවෙමු. මෙහි බුද්ධිය ඇති ජනතාවට නියත වශයෙන්ම සාධකයන් බොහෝමයක් ඇත්තේය. (13:4)

(නබියේ!) ඔබ බැලුවේ නැද්ද? නියත වශයෙන්ම අල්ලාහ්ම (විවිධ ප්‍රදේශයන්හී සී සීකඩ වී ඇති) වලාකුළු එකට අලවා ඒවා ඒකරාශී කර, එකක් මත එකක් වශයෙන් අසුරන්නේය. පසුව එම වලාකුළෙහි මධ්‍යයයෙන් වර්ෂාව වසින්නට සලස්වනු ඔබ දකින්නෙහිය. ඔහුම අහසෙහි ඇති වලාකුළු කඳු වලින්, කැට වශයෙන් වූ (ගල් වැසි) වසින්නටද සලස්වන්නේය. එය ඔහු අදහස් කරන අය මත වැටෙන්නට සලස්වන්නේය. ඔහු අදහස් කරන අයගෙන් එය වලක්වා ගන්නේය. එහි විදුලියේ ආලෝකයෙන් ඇස් පෙණුම උදුරා ගන්නට තැත් කරන්නේය. (24:43)

ජලය සම්බන්ධ වෙනත් විද්‍යාත්මක තොරතුරු

එකට එකතුවන සමුද්‍රයන් දෙකම ඔහුම හමු වීමට සැලැස්සුවේය. එහෙත් ඒවා අතර බාධකයක් ඇත. (එම බාධකය) ඒ දෙක කඩ කරන්නේ නැත. (55:19,20)

ඔහුම මුහුදු දෙකක ජලයන්ද එක්කාසු කර ඇත්තේය. එකක් ඉතා රසවත් හා මනරම් ජලයයි. අනිත් එක ලුණු හා තිත්ත රසයෙන් යුත් ජලයයි. මේ දෙක අතරේ බිඳ දැමිය නොහැකි බාධකයක් ඇති කර ඇත්තේය. (25:53)

භූමිය ස්ථිර වාසස්ථානයක් වශයෙන් නිර්මාණය කර එහි මධ්‍යයෙහි ගංගාවන්ද, ඒ සඳහා ස්ථිර කඳුද නිර්මාණය කළේ කවරෙක්ද? මුහුදු දෙකක් අතරේ බාදකයක් ඇති කළේ කවරෙක්ද? (මේවා කළ) අල්ලාහ් සමග නැමදුමට යුත්තෙකු (වෙන කෙනෙකු) සිටින්නෙහිද? (ඇත්තෙන්ම) නැත. ඔවුන්ගෙන් වැඩි දෙනෙකු (මෙයද) නොදැනුවත් අය වශයෙන්ම සිටින්නාහ. (27:61)

අල්ලාහ්ම වලාකුළෙන් වැස්ස වැසීමට සලස්වා ජීවය නැතිවී ගිය භූමියට එමගින් ජීවය ලබා දෙන්නේය. (හොඳ ඔවදනට) සවන් දෙන ජනතාවට නියත වශයෙන්ම මෙහි එක් සාධකයක් ඇත්තේය. (16:65)

(නබියේ!) ඔබ බැලුවේ නැද්ද? නියත වශයෙන්ම අල්ලාහ්ම වලාකුළෙන් වර්ෂාව වැසීමට සලස්වා, එය භූමියෙහි උල්පත් බවට පත් කර, ගලන්නට සලස්වන්නේය. පසුව එමඟින් විවිධ වර්ණයන්ගෙන් යුත් (විවිධ වර්ගයේ) භෝග ඔහු ඉකුත් කරන්නේය. පසුව (කරස්) පැසී, ඒවා කහ පැහැ වී තිබෙණු දකින්නෙහිය. පසුව එය (වියළී) පිදුරු බවට පත් වන්නේය. නියත වශයෙන්ම මෙහි බුද්ධිමතුන්ට හොඳ පාඩමක් ඇත්තේය. (39:21)

මුහුද සහ නැව් සම්බන්ධව

ඔබ ආභරණ වශයෙන් පැළඳිය හැකි (මුතු පබළු ආදී) දැයද (ඒවායෙන්) ගන්නෙහුය. (බොහෝමයක් රටවල් වල ඇති) දෙවියන්ගේ වරප්‍රසාදයන් ඔබ සොයා ගැනීම සඳහා (යාත්‍රා කරන විට, ඔබගේ) නැව ජලය දෙබෑ කරගෙන යනු ඔබ දකින්නෙහිය. (මෙයට)ඔබ කෘතඥ වනු මැනව! (35:12)

ඔහුගේ නියෝගයන් මගින් (විවිධ රටවල්වලට) නැව් වලින් ගමන් කිරීමට අල්ලාහ් මුහුද ඔබට වසඟ කර දී ඇත්තේය. (එමගින් ඔහුගේ) වරප්‍රසාදයන් ඔබ සොයා ගන්නෙහුය. (ඒ වෙනුවෙන් ඔහුට) ඔබ කෘතඥ වනු මැනව! (45:12)

ජලයේද, ගොඩබිමෙහිද ඔහුම ඔබව කැඳවාගෙන යන්නේය; (10:22) නැව බොහෝමයක් මිනිස් සංහතියන් ඔසවාගෙන යාමට අපි සැලැස්වීමද නියත වශයෙන්ම ඔවුන්ට එක් සාධකයකි. (36:41) ඔවුන් නැග යාමට එවැනි (රුවල් නැව් ආදී) දැයද අපි ඔවුන් වෙනුවෙන් උත්පාදනය කර ඇත්තෙමු. (36:42)

(ඔබ සංචාරය කරණු පිනිස) නැව ඔබට වසඟ කර දී, තම නියෝගයන්ට අනුව සාගරයෙහි තරනය කරන්නට සලස්වන්නේය. (ඇළ මාර්ගද) ඔබ කැමති ආකාරයට තරනය කිරීමට පහසුකම් ලබා දුන්නේය. (14:32)

නිරයෙහි ඇති උණු ජලය සම්බන්ධව

ඔවුන්ගේ ප්‍රතික්ෂේපය හේතුවෙන් ඉතාමත් වේදනා ගෙන දෙන දඬුවමත් සමග ‍(බීමට) උතුරණ පානයක්ද ලබන්නාහ (6:70)

(නබියේ!) ඔබ මෙසේ පවසනු: "(සම්පූර්ණයෙන්ම) සත්‍යය වූ (මෙම ධර්මය) ඔබගේ දෙවියන් විසින් පහළ කරන ලදී". කැමැත්තන්ට මෙය විශ්වාස කල හැකිය. අකැමැත්තන්ට (මෙය) ප්‍රතික්ෂේප කර දැමිය හැකිය. (නමුත් මෙම ප්‍රතික්ෂේප කරන) අපරාදකරුවන්ට නියත වශයෙන්ම අපි නිරයම පිළියෙල කර ඇත්තෙමු. එම නිරයෙහි ගිනි ජාලාවන් ඔවුන්ව වටකර ගනු ඇත. ඔවුන් (ජලය ඉල්ලා) විලාප නැහුවහොත්, රත් පැහැ වී උණු වී යන තඹ මෙන් වූ ජලයම (ලෝදියම) ඔවුන්ට දෙනු ලැබේ. (ඔවුන් එය බීමට කළින්ම) එය ඔවුන්ගේ මුහුණ පුළුස්සා අඟුරු කර දමනු ඇත. (තවද) එය ඉතා පිළිකුල් සහගත බීමක්ද වන්නේය. ඔවුන් ගිමන් නිවන ස්ථානය ඉතාම නපුරුය. (1‍:29)

(දෙවියන්ට අවනත වන්නන් හා දෙවියන්ට වෙනස්කම් කරන්නන් ආදී) මේ දෙකොට්ඨාසයම තමන්ගේ දෙවියන් ගැන තර්ක කරමින් සිටින්නාහ. එබැවින් (ඔවුන්ගෙන්) කවුරුන් (තමන්ගේ දෙවියන්ව) ප්‍රතික්ෂේප කරන්නෝද, ඔවුන්ට ගින්නෙන් නිම වූ ඇඳුම් සැලසුම් කර ඇත්තේය. උණු වී නටමින් තිබෙන ජලය (ලෝදිය) ඔවුන්ගේ හිස්ස් මත වත් කරනු ලැබේ. (22:19)

පසුව, නියත වශයෙන්ම උතුරණ සැරව මිශ්‍ර (ලෝදිය) එහිදී ඔවුන්ට (පානයක් වශයෙන්) දෙනු ලැබේ. (37:67)

(විනිශ්චය දිනදී)- වම් පාර්ශවයේ සිටින්නන් නම්- වම් පාර්ශවයේ සිටින්නන්ගේ (අභාග්‍යසම්පන්න තත්වය) දන්නෙහුද? ඔවුන් ධරුණු උනුසුම් සුළඟෙහිද, උතුරන ලෝදියෙහිද, ඝන අඳුරු දුමාරයෙහිද සිටිනු ඇත. (එහි) ශීතයක්ද නොතිබෙනු ඇත. සැනසුමක්ද නොලබන්නාහ. (56:31-44)